曾經有人話過(雖然唔知係邊個)，呢個世界最難嘅問題唔係有雞先定有蛋先，而係你女人一臉天真地哄個頭埋嚟，頭側側咁望住你問︰「BB～如果我同你阿媽一齊跌落水，你會救邊個先呀？」嗱，雖然呢條問題唔需要任何知識又或者邏輯哲理，但難就難在你答乜都死。

Mean娜都曾經Sea food痕，問過男朋友呢條問題。

(案件重演1)

Mean娜︰「BB～如果我同你阿媽一齊跌落水，你會救邊個先呀？」

男朋友︰「救你先啦。」

Mean娜︰「點解嘅～？」

男朋友︰「因為我愛你。」

Mean娜︰「咁即係你唔愛你阿媽啦！你個人咁不孝嘅？！」

(案件重演2)

Mean娜︰「BB～如果我同你阿媽一齊跌落水，你會救邊個先呀？」

男朋友︰「救我阿媽先啦。」

Mean娜︰「點解嘅～？」

男朋友︰「因為上次你話我不孝。」

Mean娜︰「哦！話吓你你就唔救我喇！咁即係你唔愛我啦！」

事實證明，呢題點答都死。不過Mean娜喺網上見到有人將呢條問題拆解得幾好，起碼望完嗰一刻，本宮都靜默咗幾秒。唔好睇少呢幾秒，你脫身都係靠佢。睇過呢位人兄點拆解？