手指捽到謝用按摩棒可「連射」

文：MenClub 魏文青　　圖：互聯網
POSTED ON 18 Dec 2014

大家都係成年人，相信都一定有同女朋友，甚至朋友玩過一個「遊戲」。呢個遊戲要求你用隻手指起勢咁捽一粒嘢，捽到「啪啪」聲不單止，你仲會好攰，但係好興奮，同時你女朋友又會係咁叫你「快啲！快啲」……喂喂喂，咪諗衰嘢，我係講緊由紅白機就已經風靡萬千少男、每逢奧運又出隻新嘅運動Game！
比呢張圖你就清楚哂啦！
有玩過嘅都知呢隻Game要贏，基本上就係睇你隻手指有幾快，連打速度越快就越有優勢！所以當年又有人發明咩「結他式」、「波子式」、「指甲式」等等。但2015年都黎緊，朱咪咪都話「國家要開放，思想要開放」，我哋又點可以固步自封，沉迷喺昔日的光輝呢？日本RocketNew24的羽鳥編輯就諗到利用以下呢件我哋絕不陌生嘅高科技產物！

無錯，就係按摩棒！佢喺我哋本時睇嘅「動作片」入面表現有幾出色，相信唔使我多作介紹。之於佢打機嘅實力係點？

雖然起步稍慢，但按摩棒憑住凌厲後勁，喺一片「啪啪啪」聲下中段反超CPU，獲得勝利仲破埋紀錄！

羽鳥編輯同時又試埋用手電鋸加上假手指的「篤篤篤篤機」（我改嘅），可惜佢承受唔到咁高強度的抽送，結果從根部折斷！

想睇哂按摩棒同「篤篤篤篤機」的實際表現，就要睇埋以下呢條片啦！