你知唔知點解電影、電視甚至小說入面嘅人物，每一日生活都可以過得咁多姿多彩？除咗因為佢哋通常都唔使返工，就算返咗工都唔係真係做嘢之外，更重要嘅係因為個故事從來都唔會交代佢哋食屙訓逼地鐵打呵欠剪腳毛嘅所謂「日常」。即係你睇《神鵰俠侶》，有冇見過一身白衣嘅小龍女因為M到所以燥阿過兒底：「過兒，條裙紅哂，唔行啦！」然後自己走咗去？冇呀嘛！咁緊係好睇架！

但係有時見到啲唔係正常人嘅人做啲正常人先會做嘅嘢，唔知點解又幾有趣。印尼出生嘅攝影師Edy Hardjo就用上多個超級英雄Figure，仔細嘅構圖再加Photoshop，砌成以下呢組「The Secret Life Of Superhero Toys」相，都幾盞鬼架！

講開又講，呢張相個靈感係咪黎自呢張呢？