{ SKIP }
文:陳意  圖:互聯網
POSTED ON 20 Oct 2014

非正式統計,有近70%香港男士嘅女朋友都係地獄廚神(呢個數字已好保守)。不過,亦不乏具精湛廚藝又順得人又有事業心嘅靚女(作為有操守同日後唔想畀人「鵝」嘅傳媒我哋應該必須咁講)。

星期六、日,可能仲有女友煮飯仔你食。去到星期一晚,又重新撥錶,公仔麵加午餐肉加蛋,唔好喇掛,落港式茶記,都幾肥膩,又驚唔知有冇落de溝油。大家男人先講,靠女人靠出街食,唔係長遠辦法。講到尾,自己簡簡單單整兩味最實際。


想食靚豬扒,可以揀新鮮或冰鮮。遇著急凍扒,最緊要唔好心急搵水直接沖,否則沖走油脂,就「鞋口」㗎


十個男人,九點九九個都鐘意食肉,「牛肉迷」更佔相當大比重。其實,牛肉幾燥熱,OT多,夜瞓,最好少食,「爆瘡」固然之,最慘係紅肉較易引致口氣。不如考慮轉食雞肉或豬肉。

想方便,可以試試急凍豬扒,近期國際著名急凍肉食品牌Sadia推出的急凍豬扒相當有水準,本港大型超巿有售,$33左右已有四至五塊。處理急凍肉類最煩係溶雪(Defrost),如果直接用水沖或放入水解凍,肉類的油脂同肉汁會大量流失;用微波爐解凍功能,又可能會over咗,變相整熟咗塊肉。咁就不妨將整塊肉放喺鋁質物件上解凍,因為鋁導熱性較高,可以加快令肉質解凍,又未至於令肉汁因肉身溫度於短時間迅速回升至引致流失。


放喺普通陶瓷碟解凍,放咗成個鐘仲硬繃繃

放喺鋁盤解凍,一小時後已軟咗好多,再等多陣就可開始醃味


如果對食有更高要求,自問亦係個有條理嘅好佬,咁你不妨喺番工前,將雪到石頭咁硬嘅豬扒,由急凍室放到冷藏室,放工番到屋企,豬扒啱啱好夠軟熟,可以立即做醃味等步驟。

賣吓關子,之後分幾次再教你點醃豬扒同煮豬扒,同埋有咩變化同配搭。信我,好易學,學咗嘞,到時仲可以大番「女朋友」或教番老婆轉頭。



對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023