{ SKIP }
文:MenClub Mean娜  圖:MenClub
POSTED ON 24 Oct 2014

秋季唔單止係大閘蟹嘅天下,亦都係生蠔嘅當造時期。以創意日式料理聞名嘅KYOTO JOE,今期唔玩刺身同壽司,轉玩大大隻新鮮生蠔,直至11月30日。



位於蘭桂芳嘅Kyoto Joe樓分兩層,放滿日本味濃厚的木製傢俱,還設有格局正宗的壽司吧枱,裝潢簡約高貴,令人感到舒服自在。(Mean娜特別喜歡坐梳化位,因為張梳化超軟好好坐,男士記得讓畀女士坐先)






今次Kyoto Joe引入嘅生蠔分別有兩種︰法國吉拉多生蠔及日本兵庫縣生蠔。

先介紹法國吉拉多生蠔



法國吉拉多生蠔曾被法國飲食指南Gault Millau譽為「生蠔中的勞斯萊斯」,佢代表一個超過百年的生蠔養殖家族,而非生蠔品種名稱,更是極少數以養殖者名稱命名的頂級生蠔。法國吉拉多生蠔Gillardeau 生蠔歷史悠久,每一顆生蠔都經過59道繁複養殖手法,先在富含浮游生物、藻類與礦物質的Marenne-Oleron海岸,用鐵絲網袋養殖三年,每平方公尺只養20至50隻(一般是50至100隻),好讓生蠔有寬廣的活動空間;在這三年養殖期間,時時要注意水溫及海水鹹度,不同的生長環境會產生不同的味覺變化,如乾旱時海水會變鹹,就要移往其他海域養殖,如果偷懶,品質就無法維持。因為費時費工,所以法國吉拉多生蠔的價格是一般生蠔的三倍。



味道方面,法國吉拉多生蠔肉質肥美結實,口感充滿彈性嚼勁;充滿海洋鮮味及生蠔的鮮甜香濃,更帶有些許微妙的榛果味結尾,層次分明但卻又細膩融合。

日本兵庫縣生蠔



好多人講到生蠔就只認識法國生蠔,其實日本生蠔都係好嘢。位於日本兵庫縣內的室津海港擁有1300年的歷史,被譽為是一個優質天然的漁港。室津漁場內養殖的生蠔,多虧了千種川、揖保川河流流入含豐富營養成分的水,生蠔長得非常肥美,因此,室津產的生蠔被譽為是兵庫縣的特產。其生蠔的特徵是體型較大、肉質鮮嫩、味道甘甜爽口、入口啖啖肉,亦被日本人稱為「海底的牛奶」。而且兵庫縣生蠔並沒有一般生蠔所擁有的苦澀味道,容易入口。



味道方面,日本兵庫縣的生蠔肉質肥厚,蠔味澎湃,微微的海水加上蠔身的鮮甜味道,在口腔內散發著奇妙的海洋氣息。

地址︰中環蘭桂坊1號2樓

電話︰2804 6800

營業時間︰星期一至四: 12:00-14:30; 18:30-23:00星期五至六: 12:00-14:30; 18:30-23:30星期日: 18:30-23:00

價錢︰$201-$400

網址︰http://www.lkfe.com/en/our-venues/kyoto-joe.html



對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023