{ SKIP }
文:MenClub Mean娜  圖:MenClub
POSTED ON 29 Oct 2014
萬聖節就嚟到,周街啲人都扮鬼扮馬,個個變晒鬼怪惡魔喪屍同怪獸!嗚哇~媽媽咪呀!其實好多少男心都好鬼脆弱唔嚇得,除非條女著得好少布,如果唔係應該冇人會想見到爛面嘅靚女甩頭甩骨咁行路。男人心目中嘅Perfect池萬聖節,應該是畀一群樣貌似天使,內心似小惡魔般淘氣嘅青春少艾包圍吧?呢呢呢~唔知下面呢幾位少女又滿唔滿足到你嘅需要呢?(講緊視覺需要呀!)




「Cafe Hikari」不同於一般女僕Cafe,佢哋唔會叫你做主人,而係幫你搵返初戀嘅感覺,叫你做同學。因為呢間係學園Cafe,入到去,你就可以同場內嘅美眉做同學仔,大家一齊傾吓偈、食吓嘢、影吓相。而就嚟萬聖節,一眾同學都搖身一變變成天使同惡魔,增添Halloween氣氛。






「Cafe Hikari」走華麗風格,傢俱仿歐陸宮廷味道,而蜘蛛網、南瓜等等嘅佈置,令萬聖節氣氛更濃厚。Cafe內亦不難看見,四處貼上各個同學嘅照片,Mean娜都參觀過唔少Cosplay類嘅Cafe,呢度嘅環境同囡囡質素,確屬上乘Level,大家可以慢慢欣賞每個少女嘅照片,睇吓幾時有緣遇到你心中所愛。



呢度除咗有嘢食,有天使同你傾偈再送個親切笑容畀你之外,仲可以玩飛標。呢度嘅小天使都會好樂意陪你一齊玩遊戲。


話明萬聖節,Cafe Menu當然都會有新搞作,例如以下呢款就係「驅鬼棺材」(墨魚汁海鮮飯)



仲有呢個「嘩鬼樂園」(日式鰻魚炒麵)



「巫師祭品」(特製芭菲)


「血色瑪莉奧」(士多啤梨橙汁)


咦?!介紹完食物架喇?係呀,嚟得呢度過萬聖節,搵鬼信你真係為咗食物咩,漂亮美眉才是重點吧?食物呢家嘢,去到才試都未算遲,但囡囡當然要率先欣賞!睇吓天使們嘅萬聖節寫真先!






雖然今次嘅介紹以食女……啊,唔係,係睇女為主,但呢間Cafe好正經,全部囡囡都好純潔,唔可以同顧客有任何身體接觸,都唔可以詢問天使們嘅私隱問題,所以大家要乖乖地,眼看手勿動,如果唔係,到時天使嬲嬲豬,分分鍾Black List你都似。

地址︰九龍彌敦道566 - 568號僑建大廈2樓1室

電話︰3791 2070

營業時間︰15︰00 - 00︰00

價錢︰$41 - $150

網址︰https://m.facebook.com/CafeHikari


對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023