{ SKIP }
文:MenClub Mean娜  圖:MenClub
POSTED ON 24 Feb 2015

「祝你青春常駐!」男女都啱用,這句祝福語琅琅上口,講真,個個都想。

「叮噹可否不要老 伴我長高 星矢可否不要老 伴我征討……」張敬軒娓娓唱出《青春常駐》,讓我們憶起曾幾何時「叮噹」已變成「多啦A夢」;陪伴我們長大、林保全先生的聲音,也悄然離我們而去……

無論男女,當意識到青春為何物之時,青春其實已遠離我哋,近期又再被炒起的多啦A夢熱潮,正正是港人追尋八、九十年代回憶的證明。


七、八、九十年代的兒童回憶,一定有叮噹,仲有過年幾乎必定去嘅荔園遊樂場


荔園遊樂場在1949年4月16日開業,是當時香港最大規模的遊樂場,場內有摩天輪、碰碰車、旋轉木馬、哈哈鏡、叮叮船、咖啡杯、小飛象、八爪魚、過山飛龍、恐龍屋、鬼屋等機動遊戲,更曾有香港唯一的真雪溜冰場。



1952年,荔園開設了動物園,有豹、黑熊、長頸鹿、老虎,還有最受歡迎的緬甸大象天奴。天奴於1952年來港,於1989年2月因急性肺炎而人道毀滅,這些都是1950年代至1970年代香港人的重點集體回憶之一。


1997年3月31日,荔園正式結業。根據當年的報導,最後一星期荔園平均有5,000人次進場,結業當晚更吸引20,000人次進場。荔園雖及不上海洋公園般精緻,但卻憑簡單佈局和「人性化」(你幾時見過海洋公園職員飲住可樂操作機動遊戲?有冇見過海洋公園門口有煎釀三寶同炸雞翼賣?),在港人集體回憶穩佔重要一席,而家過年都係上網、上網或者上網,你話如果荔園未執笠,去懷舊吓就好。

「荔苑樂園餐廳」近期好多人談論,大家都衝著新鮮感光顧。但人就是善忘,光顧過後,你還記得這間餐廳嗎?還記得荔園嗎?Mean娜同男朋友決定去「荔苑樂園餐廳」試試,嘗試搵番童年時的荔園感覺。



旋轉木馬



緬甸大象天奴



一進餐廳,便聽見場內播放著70、80及90年代初的兒歌,IQ博士、叮噹、忍者小靈精、小太陽、美少女戰士等等,懷舊氣氛十足。餐廳的設計及顏色亦充滿童趣,單純的紅、黃、藍、綠枱凳,有點舊快餐店的感覺。「荔苑樂園餐廳」除了門面有大大隻天奴坐陣,裡頭也充滿了荔園回憶,每個角落都似是荔園的縮影。



其實餐廳前身為「麻辣媽媽」的川菜館,後來才易名為「荔苑樂園餐廳」。至於為什麼選擇改成荔園餐廳,兩位70後老闆表示,香港人近年有很多負面情緒,所以希望大家回想快樂事情,因而聯想到昔日的荔園,於是將荔園作為設計藍本。不過,礙於版權問題,只能採用荔苑二字。

老闆特意將餐牌製作成舊相簿,點菜之餘,更可重溫荔園的舊照片。又將餐廳卡片印成兒童入場劵的模樣,令人有重臨 舊地的感覺。



飛龍過山車



幸運百寶機



恐龍屋



叮叮船




小丑屋



香口膠遊戲攤位(其實係收銀處)



可能你會好奇,究竟老闆喺邊度搵咁多古靈精怪嘅荔園設備放喺餐廳呢?其實老闆係憑住記憶同網上搵圖片,再自行用3D繪圖,繪出模樣後再搵人訂做玻璃纖維迷你恐龍屋、飛龍過山車、大象天奴等等,花3至4個月時間先造好,老闆表示非常滿意效果。

「荔苑樂園餐廳」實際上有乜食?由於佢前身係川菜館,所以都保留部分川菜餐單,另外再加少少中菜同少少西餐。

金沙蛋黃醬炒雞



黑糖醋骨 


麻辣日本蠔煲


德國咸豬手


兒童餐


天奴夢幻樂園

天奴夢幻樂園係一個用Lego砌成的器皿,中間由兩塊朱古力餅做餡,上面放上牛奶味雪糕、焦糖爆谷、粟米片、OREO、奇異果、橙肉、甘大滋等,仲有乾冰炮製煙霧效果,影相一流!




埋單時,餐廳仲會送你一條白箭香口膠,點解要送香口膠?你問得出,證明你仲係好後生,恭喜!


荔苑樂園餐廳

地址︰佐敦德興街7A-7B號地下
電話︰2377 2882
營業時間︰期一至日: 07:00-01:00
價錢︰$101-$200


對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023