{ SKIP }
文:MenClub Mean娜  圖:MenClub
POSTED ON 25 Feb 2015
位於中上環的歌賦街雲集所有品味元素,既有咖啡廳、時尚酒吧、休閒餐廳,又有畫廊以及生活雜貨店,係大眾的尋寶熱點。行到攰,更有遠近馳名的「九記牛腩」及「勝香園」可以醫肚,確係香港其中一個好去處。










而家嚟到歌賦街,除咗可以選擇「九記牛腩」同「勝香園」,仲多咗一間從札幌遠道而來的新餐廳——「SAMA」。「SAMA」係香港首間湯咖哩食府,於今年29日喺歌賦街正式開幕。






湯咖哩係咩?同一般日式咖哩有咩唔同?


其實湯咖哩係日本北海道一種特產食品,泛指呈現湯羹形式嘅咖哩,靈感來自南印度、東南亞多種咖哩文化。近年湯咖哩更成為北海道札幌的名物土產。

同一般日式咖哩唔同,一般日式咖哩偏濃稠,適合直接撈飯食,而湯咖哩並冇使用到麵粉,因此質感較稀,可以當湯飲,食用時會將醬汁同米飯分別盛載,然後米飯直接浸在湯裡面吃,比較貼近南亞及印度咖哩風格。

另外,湯咖哩一大特色就係食材配搭種類繁多,例如以紅蘿蔔、南瓜、馬鈴薯、青椒及各種菇類為配菜,又可以配合雞、豬或羊等肉類。湯底方面,湯咖哩多數會加入海鮮類材料,例如扇貝、蝦等等,製成海鮮湯咖哩;亦有以豬骨及雞骨等作為湯底,再加入番茄做材料,製成肉汁湯咖哩。


日本著名湯咖哩食府SAMA現於日本共有八間分店,而香港就係首家日本以外的分店。SAMA的始創人高橋秀一(Shuichi Takahashi)先生表示,有見於香港人對日本文化的喜愛,決定將SAMA首家海外特許經營店設於香港。同時,發現香港這個多元化城市缺乏專門展示札幌特色的料理,所以決定喺香港開湯咖哩食府。


「SAMA」的湯咖哩有不同辣度、湯底及配料。首先,根據自己可接受的程度挑選辣味指數。菜單上由三種標識區分辣度:熊寶寶(0至5度)、成年熊(6至15度)和瘋狂熊(16至30度)。(據非正式統計,多數香港人都叫10度,但Mean娜覺得10度已經好辣)

然後可以挑選自己喜歡嘅咖哩湯底,包括蕃茄、椰子或鮮蝦味道。

最後,可以隨個人喜好選擇配菜加入湯咖哩,例如「雞腿配野菜」、「豚肉配野菜」、「雜錦海鮮」、「Keema納豆」及「漢堡扒配野菜」。如果唔食肉,仲有一系列「素食熊」配料。




揀完湯底及配菜之後,就可以諗埋叫飯定鳥冬浸湯咖哩一齊食。




另外仲有其他小食,例如「小樽吉列炸蠔」、「皇帝蟹腳天婦羅」、「名古屋咖喱雞翼」、「北海道粟米餅」、「北海道爆谷」同埋「北海道菠菜」等等,充滿札幌風味。

小樽吉列炸蠔



日式蒜蓉蝦


「SAMA」仲有一系列日本啤酒,包括Hitachino白啤、IPA、甜黑啤、經典啤酒、薑啤酒及淡啤酒。


鍾意的話,仲可以買返盒咖哩返屋企,用微波爐叮嚟食,裡面仲送你雞腿一隻!


SAMA
地址:中環歌賦街51A地鋪
電話:2191-8850
營業時間:星期一至四 11:30am-3pm、6pm-11pm;星期五至日及公眾假期 11:30am-11pm
價錢︰$101-$200
網址:http://SAMA.com.hk


對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023