{ SKIP }
文:MenClub Mean娜  圖:MenClub
POSTED ON 22 May 2015

牛頭角下邨在香港屹立約40年,保留了不少香港人的回憶。雖然是舊型屋邨,卻周圍都是寶,輝煌小食餐廳的抵食打冷、興記茶餐廳的豬扒、文記的傳統車仔麵、9座的炭火雞蛋仔……經歷清拆及重建後,都只能懷緬。

不過牛下其中一家賣鹵味小食的「真好味」,卻不甘於就此結業,決定以殺不死的精神,讓「牛下真好味」重生!

三十多年前,這間真好味鹵味小食還是用推車仔形式經營,深受街坊歡迎,最高峰時,每月可帶來近10萬收入,可見真好味究竟有幾得!老闆娘的兒子貓仔及其兩位死黨,心想真好味的鹵味小食咁得,其實真係有得做,於是冒著貴租都要捲土重來,在荃灣重開真好味,仲喺九龍灣開埋分店,等老闆娘可以一齊打理店舖,唔會咁悶。

雖然有不少捧埸客,但小市民而如何與霸權抗衡呢?自從一田百貨在真好味(荃灣店)附近開張,人流大不如前,只好將店舖頂手。

你以為牛下真好味咁就要摺埋?話明殺不死,又邊有咁易講拜拜!而家佢哋又另外開店,喺邊度?就係喺人來人往的旺角區。一齊現場直擊吓先!

旺角區的牛下真好味,位於火車站染布房街附近。店舖雖然細細間,但算得上乾淨企理,加上一眼就望到一排排鹵味小食,的確幾搶Fo。


而且店舖仲貼滿相關報導,不禁令人心思思想埋去試吓,究竟牛下真好味係咪咁得!


除了主打鹵味小食,店舖仲有售其他食品,例如飯、麵、秘製雞翼等等,可說是多元化,滿足客人不同需要。


專程嚟到,真係不得不試。聽聞呢度的鹵味小食,都係每日新鮮處理,由清洗到醃味,都非常講究。


而且種類繁多,當中以生腸同墨魚最受歡迎,一於試吓先!


牛下墨魚王 $10

墨魚新鮮彈牙,食落爽口,加埋甜醬及芥末,確實惹味。


牛下真好味

地址︰旺角亞皆老街88-96號利豐大廈地下F舖B
電話︰6296 6079
營業時間︰星期一至日: 12:00-22:30
價錢︰$50以下
網址︰https://www.facebook.com/majiyummy

對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023