{ SKIP }
文:MenClub Mean娜  圖:互聯網
POSTED ON 10 Feb 2016
臨近情人節,就算知道同MenClub巴打冇太大關係,呢期循例都要講下關於情人節嘅嘢嘅XD情情愛愛我哋就唔好提喇,費事大家傷心啦~要講嘅,不如就講下朱古力?前排同大家介紹過型到爆嘅槍械朱古力,啱晒鍾意玩槍嘅男士,咁唔知今次介紹呢個兵馬俑朱古力,又啱唔啱鍾意歷史嘅男士呢?


話說日本東京國立博物館由2015年10月27日到2016年2月21日,都有個秦始皇與兵馬俑展覽。


裡面完整呈現兵馬俑嘅模樣,就連兵馬俑坑都整埋出嚟。


而今次介紹嘅兵馬俑朱古力,就係呢個展覽嘅周邊商品。唔少網友去過展覽後,都喺網上表示對呢個展覽印象最深嘅唔係啲展品,而係呢個朱古力......甚至有人特登去秦始皇與兵馬俑展覽,就係為咗要買呢盒兵馬俑朱古力。


一打開,就見到一盒兵馬俑朱古力有5個兵馬俑,可惜個個一樣樣,如果有唔同pose應該會更有趣。


就咁睇,呢個兵馬俑朱古力個樣說不上好精緻,而且聽聞味道普普通通,仲要成1000日元都真係唔平。不過唔少網民都表示,覺得呢款朱古力好有趣,買嚟影相呃like都抵,唔知如果買嚟情人節送畀人又o唔ok呢?雖然應該冇咩囡囡會鍾意,但Mean娜個人就覺得佢都幾打耳丫,仲可以懶情深話送兵馬俑朱古力係代表千年的愛,都過得去掛?!


對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023