答案係D：以上皆非！縱然有Fans認為冇咗Paul Walker嘅《狂野時速》已經唔再係《狂野時速》，但只少Vin Diesel本人就認為有必要為咗Paul而開拍第八集。話說美國時間12日，Vin Diesel出席2015 MTV電影大獎擔任頒獎嘉賓，事後接受訪問嘅時候講到關於《狂》系列的發展時，指「Paul經常說第八集是必然的。而當你的兄弟說這是必然的，你就要為他實現出來…如果Fate(命運，亦是《狂8》英文Fast and Furious 8的簡稱)真的到來，你們就會知道。」

「《狂7》是獻給Paul的，而《狂8》是來自Paul的。」

值得一提嘅係Vin Deisel喺台上提到上一次出席MTB 電影大獎，是與Paul Walker一齊出席。為咗紀念呢位好兄弟，佢更加即席獻唱《狂7》片尾曲，由樂壇新人Charlie Puth與著名Rapper Wiz Khalifa所唱的「See You Again」。首歌仲係Charlie Puth主動向Vin Diesel推薦架！

或者大家都要承認，你未必覺得《狂》系列極級好睇，但見到一個昂藏六尺嘅大隻光頭佬為咗自己嘅拍擋兼兄弟做咁多嘢，咁套戲飛黎飛去嘅就唔係車，係濃得化不開嘅男人浪漫呀！