大家都應該知道係講緊大陸遊戲網站3DM，佢哋出名新game至快手，不過大家唔使搵喇，已經冇得download，而3DM就自爆收到律師信仲post埋出嚟好威威咁。雖然遊戲就落晒架，但3DM就暫時唔會道歉，仲對光榮提出兩大疑問。首先佢哋就話《三國志13》賣成400人仔太貴，令好多玩家都負擔唔起；第二點就係認為《三國志》嘅版權應該係屬西晋時代嘅陳壽，但竟然會被一間日本公司擁有，實在係莫名其妙。喂，咁嘅說話都講得出口先係莫名其妙，而且仲有愛國青年留言，話要抵制用日貨又話唔玩垃圾遊戲。雖然《三國志13》就冇得下載，但網站上面仍有齊之前咁多集老翻，真係蒜蓉狗肉掃把啦。

資料來源︰3DM