日本311之後冇幾耐，福島縣發生洩漏幅射事件，漁農產品生產及出口即時被拍停。作為外地人，見到有啲喺幅射影響地區邊緣嘅農民繼續種植大米，真係R頭兼費解。

日本全國農業協同組合連合會（簡稱JA全農）昨日宣布，將重新出口福島縣大米，而出口嘅地點竟然係一向極注重食物安全嘅新加坡，當地的高級超巿明治屋將會再次入口福島縣的5公斤裝大米，首批大米為數300公斤，經已通過放射性物質檢驗。

目前，中國及南韓都禁止福島縣大米進口，JA全農有信心新加坡咁嚴謹嘅食安標準都過得到，再次出口到其他地區並非難事。日本311事件前，福島每年約有100噸白米輸往台灣及香港等地。

「飯可以亂食」呢句話要改寫嘞！