有經常到日本出差，又或同當地企業有生意來往嘅男士都可能諗過一個問題

好多當地企業嘅女職員（尤其係Sales & Marketing），經常要跟住老闆幫手湊客，成班人飲到三更夜半，第二朝又可以準時開會。但呢類夜歸女有唔少人都住喺巿區外圍，租金或樓價相對低嘅住宅區。湊客劈到趕唔切尾班JR，部份人可能選擇「局搭」的士番屋企（但車費唔平，隨時過萬yen），又或入住Capsule Hotel。

Capsule Hotel（直譯膠囊酒店），又被稱為棺材酒店或大空艙。早在80年代中期出現，但多年來以男士為主。近年有Capsule Hotel開始進軍夜歸女性巿場，部份原本只做男客的業者，在既有範圍將某一樓層列作「女性專用」，而且空間亦較男士「房間」寬趟。以秋葉原的First Cabin為例，在50間房之中，有8個的空間達4.4平方米，睡床（屬Semi Double Bed設計）闊度達120cm，房內之LCD電視亦達32吋，算唔錯。床下亦設有夾萬。收費為5900 yen（該酒店稱之為First Class），其餘42個的空間為2.5平方米的「細房」（稱為Business Class），收費為4900 yen。

Capsule Hotel的房間不設傳統式梗牆或木門，多以拉簾代替，隔音度相對較差。為此，酒店提供鼻鼾貼及耳塞予住客，為人為己都好。酒店內禁止使用鬧鐘，第朝怕唔知醒，可用morning call服務，職員會親自到房間叫醒客人（好窩心嘅呢！）瞓醒第二朝要返工見人，如果冇帶化妝品（其實呢個機會好微），酒店亦有基本化妝品、風筒提供，至少唔駛成隻「鬼樣」咁番工。酒店由早上6點半起check out，直至早上10點（下午5點起check in）。

據悉，這一類「女性專用」的Capsule Hotel，晚上11點後的入住率約為33%，至零晨1點，入住率接近95%。另外，週末亦有不少來自台灣、中國大陸、南韓、泰國及少數美國遊客。講到尾，都係貪佢平。

目前First Cabin在全日本有五間分店（包括東京羽田、秋葉原、京都烏丸、大阪御堂筋難波、福岡博多）。由於Capsule Hotel的房間無需一定要提供採光位置 ，亦不一定要建設混凝土牆，所以該店開業成本明顯較一般酒店低，新店籌備時間也比傳統酒店短。該公司預計在2020年東京奧運舉前，全國分店數目料增至50間。

First Cabin網址：first-cabin.jp

First Cabin facebook：http://goo.gl/53IfJ4