近年愈來愈多人興起送Dyson Air Multiplier畀剛有BB出世嘅父母，原因好簡單，一來，Dyson啲design靚，大家亦知呢個牌字嘅產品係好嘢，有信心，有體面，唔係幾百蚊普通貨色。二來，好多育嬰專家都教人，少開冷氣，多用風扇，即使用風扇，都唔好「兜到正」咁吹，吹出嚟嘅風要柔和⋯⋯喂喂！咁講法，即係唔買Dyson都唔得啦。

天氣開始轉涼，已為人父嘅你，又係時候好檢查吓收埋咗半年有多嘅暖爐同放濕機仲work唔work，唔work就趁早去入貨，因為大多數電器連鎖店喺上述兩種產品的庫存量都唔算多，賣咗頭一輪，往往要等十幾日先再番貨，凍親你唔緊要，BB仔凍親就煩。

Dyson啱啱喺日本發表了Hygienic Mist，呢部機聲稱係巿場上最潔淨嘅放濕機，透光紫外線可將99.9%的細菌於一分鐘內殺死。而加濕器的儲水倉達3公升，足夠用家連續使用18小時。Dyson喺抑噪技術一向都有不俗表現，今次推出的Hygienic Mist已獲英國quiet mark認證，咁今年開住暖爐，又有放濕，阿仔阿女自然有覺好瞓，又唔會鼻乾喉涸兼無端端流鼻血。

不過，呢款Hygienic Mist暫時只喺日本發售，售價6萬日元，希望MenClub駐日記者北川直人唔好嫌我煩，幫我ship部過嚟就好（不過，至怕呢頭落單，轉嗰頭又話有行貨！！）