1. 逐步削減食物份量

靠突然大減食物份量絕對唔make sense，因為食唔飽有可能促使你暴飲暴食，所以應該一步步削減每餐份量，令腸胃慢慢適應。

2. 晚餐食最少

大部分人習慣晚餐食得好豐富好飽，跟住就攤喺度睇電視，又或揸住部tablet上網，玩到攰就瞓著，身體冇足夠運動消耗晚餐嘅熱量，結果就積聚脂肪。

3. 先食菜後食肉

蔬菜比肉、米飯等食物冇咁易致肥，所以先食菜填飽個肚，相對就會食少咗肉同米飯，降低致肥機會。

4. 細細咀嚼

進食太快好易肥，所以進食時應每啖咀嚼十零廿次先吞，這亦較易產生「飽」嘅感覺，唔怕無意中食得過飽而致肥。