{ SKIP }
文:MenClub Mean娜  圖:MenClub
POSTED ON 28 Jul 2014

世界盃落幕,超級球迷終於由用口踢,回到用腳踢嘅日子,睇睇埋埋今屆咁多靚波,一定技癢想落場。不過,大熱天時踢波,又撞正「打波先嚟落雨,唔通連個天都唔鍾意我?」嘅時候,啲場又畀人喪炒,咁仲可以去邊踢?梗係室內足球場!

本港目前有數個設於工廈的室內五人足球場,當中有部份位處地鐵沿線,而iSoccer也屬最早出現的一批



教我如何不愛足球

iSoccer最初由7位熱愛足球嘅80後成立,iSoccer業務經理Benson憶述,佢同6位中學同學都係超級球迷,話說當年Benson留學澳洲,即使當地不太流行踢足球,依然不減佢對足球嘅狂熱,一唔駛上堂就揍夠腳落場。大學畢業後,呢7位足球小將終於要面對現實,部份人投身會計界、醫療界及金融界,更有人正式成為職業足球員,但大家依然有好大足球癮,經常約出嚟踢番幾粒鐘。



香港地搵場艱難

香港地可供足租嘅足球場愈來愈少,當中涉及愈見嚴重嘅炒場面題,就算搵到場,timing亦未必啱在職人士。Benson表示,兩年前,佢同6位中學同學決定以足球呢項興趣搞生意,眾人有感香港足球場預約制度以團體及學校為先,一般人唔易Book; 過去可以隨心去大球場跟隊,但近年維園等大球場經常搞活動,冇得踢波,久而久之大家都習慣唔去搏場,所以就算維園冇展覽,都好難搵到踢波嘅人影。可能你會話︰「唓!香港仲有大把球場啦!」Benson都認同,但大部分交通便利嘅球場(例如旺角、油麻地等地區)一早Full晒,至於其他遠啲少人啲嘅球場,又係咪咁多人都願意特登入去踢兩、三個鐘就走呢?



香港第一個室內足球場

基於香港地難Book球場,加上香港天氣飄忽,時而狂風暴雨,時而日曬高照,有場都未必踢到,而香港又未有室內足球場呢個概念,所以Benson同班同學一致認為,室內足球場絕對有得搞!於是佢哋一行人就一邊正職賺錢,一邊副業搞球場。雖然佢哋嘅Idea係得,但實踐上並唔易。因為室內足球場地方要夠大,而且個場要四四方方,唔可以凌凌角角同埋中間有柱,仲要考慮交通便利,門面得體先可以令人安心入內踢波,唔會覺得抗拒。Benson話佢哋搵過葵涌、沙田等地方,最終認為觀塘呢度最理想。



唔大腳玩「插花」

工廈不是球場,要令玩家踢得過癮,Benson喺設計場地時,於石地舖上仿真草坪同避震軟墊,此舉亦有助減低急停時對雙腳嘅勞損。另外,Isoccer同室外足球場唔同,並唔係踢11人足球,而係踢5人足球。雖然5人足球喺東南亞、日本、泰國、新加坡、台灣等地區好受歡迎,甚至有正式聯賽,但香港受英國足球文化影響,以11人足球為主流,5人足球要到90年代初才開始紮根香港。話雖如此5人足球勝在人少少就可「開波」,機動性大好多。玩法方面,室外場會經常高波同大腳,嚟到室內足球場就可以「插花」、地面進攻,大家更多埋身機會,玩落其實更刺激。



喺室內場踢波,有少少似開住冷氣打邊爐。既然全天候冷氣開放,又有齊防護網,可以搵埋女友到場觀戰或打氣。Benson表示,過往亦有商業客戶包場,全公司總動員到場競技,男同事盡力show off,女同事落力打氣,好玩過成日唱K咁悶啦。


由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
在1994年拍攝的電影《阿甘正傳》(Forrest Gump),是無數影迷心目中的經典之作,而 Forrest Gump 在電影中穿著的 OG Cortez ,也因電影的推波助瀾之下,而成為了經典鞋款,這雙紅、白、藍配色的 OG Cortez 亦有「阿 ...
style
Forrest Gump 在《阿甘正傳》穿著過的 Nike Cortez 阿甘鞋,以天價 $57500 美元賣出!
28 Mar 2024