專玩轉珠　二線Android機備戰

文：MenClub Patrick　　圖：互聯網
POSTED ON 20 Aug 2014

我知我知，好多人心入面依然覺得iPhone先係王道，尤其係iPhone 6改大咗個芒之後，應該會有批人由Android陣營轉去做ifanboy。但若然用慣咗Android機轉珠，點算？咪買多部Android機囉，大把人袋住兩部手機出街啦！唔想使費太大，留番啲錢畀課金，又唔想用小米的話，大可買大廠二線機，機價起碼比旗艦機平千幾兩千蚊，最近仲有以下4部新款揀，gentleman，睇睇你要咩條件，自己對號入座吧。
我要勁　HTC One E8 呢期晚晚都睇到香香公主賣HTC One E8廣告，不過部機男人用都得啫。雖然佢由旗艦級HTC One M8嘅金屬殼改成膠殼，冇咁man，但好在機面設計大致跟番M8，睇落唔「膠」。講到規格，其實佢都唔係差M8好多，起碼用番Full HD芒，又有相同嘅Qualcomm Snapdragon 801四核心CPU，兼夾有2GB RAM，玩轉珠呢啲平面game，夠用有凸啦！最大分別只係E8機背冇咗M8用嚟計算景深嘅Duo Camera設計，感光元件都唔係特別大嘅UltraPixel，只係普通嘅1,300萬像素，影相可能冇咁正。不過，單計鏡頭像素同其他spec.，E8仍然勁過晒其餘3部機。而且佢更支援五模十五頻，即係對應晒香港、大陸嘅3G同4G網絡，無論你用中聯通定中移動，都可以唔使換SIM咁中港兩邊走，無間斷用4G玩game。所以，閣下唔介意畀多少少錢的話（定價$3,998，街舖應該好快平幾嚿），佢會係最勁之選，同埋筆者個人幾鍾意佢個HTC Sense 6介面。 HTC One E8規格售價：$3,998 系統：Android with HTC Sense 屏幕：5" 1,920x1,080 處理器：Qualcomm Snapdragon 801四核心2.5GHz 記憶體：2GB RAM 制式：LTE、TD-SCDMA、HSPA+、GSM 儲存空間：內置16GB、microSD 鏡頭：1,300萬像素（後置）、500萬像素（前置）體積：146.4x70.7x9.9mm 重量：145g 查詢：HTC www.htc.com/hk-tc

我要大　Sony Xperia C3 若然閣下對手機同女人嘅標準係一致，總喜歡大一啲的話，即將推出嘅Sony Xperia C3就應該啱你心意，因為佢有5.5吋芒，係4部機當中最大嘅。正經啲講句，用大啲嘅芒轉珠，梗係睇得舒服啲，就算搭車不停捽，都冇咁易傷神啦！至於其他方面，佢部4G版定價$2,698，同HTC One E8相差$1,300，見到呢個價錢，就預咗佢嘅spec.唔係E8嘅級數。事實佢只有720p芒，兼且用次一級嘅Qualcomm Snapdragon 400四核心CPU，RAM亦只得1GB，但好彩玩轉珠始終對手機嘅需求唔高，只要用到4G download嘢就夠。同埋雖然佢個後置鏡頭冇Sony旗艦機Z2嘅2,070萬像素咁正，但係前置鏡頭竟然有500萬像素，再加有25mm咁wide，仲有埋補光燈添，自拍特別強，成日自拍po相上Facebook同Instagram嘅男士啱晒。 Sony Xperia C3規格售價：$2,698 系統：Android 4.4.2 屏幕：5.5" 1,280x720 處理器：Qualcomm Snapdragon 400四核心1.2GHz 記憶體：1GB RAM 制式：LTE、HSPA+、GSM 儲存空間：內置8GB、microSD 鏡頭：800萬像素（後置）、500萬像素（前置）體積：156.2x78.7x7.6mm 重量：149.7g 查詢：Sony www.sonymobile.com/hk

我要快　LG G3 Beat 呢度講嘅快唔係指CPU速度，而係對焦速度。事關LG G3 Beat就係旗艦正宗G3嘅中階版，G3最大賣點就係擁有鐳射自動對焦功能，即係好似鐳射測速槍咁，會透過機背嘅鐳射發射器射出laser，極速去計算鏡頭同拍攝主體嘅距離，從而加快對焦速度。雖然坊間有評論話G3 Beat嘅對焦速度，實質係慢過G3少少，但同其他二線機比依然會跑出。講番部機本身，規格同G3相差幾大，屏幕由4倍高清變到得番普通高清，CPU又降呢到同Sony C3一樣，RAM都係減到1GB，所以機價平過G3 $3,000有多。不過，近排口碑最好嘅旗艦機就係G3，就算G3 Beat整體性能弱一截，以佢嘅價錢，應該都會令人收貨，仲要佢個樣同G3倒模咁倒，只係個芒細咗0.5吋，拎出街用，人哋唔留心睇，仲會以為你用緊旗艦G3添。 LG G3 Beat規格售價：$2,598 系統：Android 4.4.2 屏幕：5" 1,280x720 處理器：Qualcomm Snapdragon 400四核心1.2GHz 記憶體：1GB RAM 制式：LTE、HSPA+、GSM 儲存空間：內置8GB、microSD 鏡頭：800萬像素（後置）、130萬像素（前置）體積：137.7x69.6x10.3mm 重量：134g 查詢：LG www.lg.com/hk

我要平　Asus Zenfone 5 LTE 唔好話係孤寒，男人都絕對可以精打細算，如果你真心想揀部最平嘅Android機嚟轉珠，Asus Zenfone 5 LTE就係你嘅新款best choice。佢剛剛先喺香港推出，一共分3個規格版本，不過就算係最高階嘅2GB RAM加16GM ROM版，定價都只係$1,699，街舖實會再平少少，同Sony、LG兩部機相差至少八、九百蚊。Okay，我知小米、中興、華為都有機平過佢，但總有人唔鍾意用國產機嘛，你懂的！ Zenfone 5 LTE無論CPU、芒同鏡頭規格都同Sony C3、LG G3 Beat差唔多，唯獨就係RAM有2GB，理論上會快少少，呢個都係賣點嚟嘅，始終就算你只愛嚟轉珠，都想部機行個介面行得順啲㗎。同埋唔好以為咁平就冇4G，佢一樣有，符合大家要求啦！ Asus Zenfone 5 LTE規格售價：$1,699 系統：Android 4.3 屏幕：5" 1,280x720 處理器：Qualcomm Snapdragon 400四核心1.2GHz 記憶體：2GB RAM 制式：LTE、HSPA+、GSM 儲存空間：內置16GB、microSD 鏡頭：800萬像素（後置）、200萬像素（前置）體積：148.2x72.8x10.3mm 重量：145g 查詢：Asus www.asus.com/hk

Android轉珠有乜好？唔怕長氣講多句，雖然iOS都有好多轉珠game玩，但唔少新game都係出喺Android平台先；仲要有啲係日本本土限定，Android機無論係直接下載安裝apk檔案，或者root機改定位位置，扮自己喺日本，上日本Play Store download都方便好多，而且Android又多啲自動轉珠之類嘅古靈精怪嘢，所以iPhone取代唔到，狂迷都係買多部Android機啦！

COMMENT

KEYWORD

HTC One E8, Sony Xperia C3, LG G3 Beat, Asus Zenfone 5 LTE, 轉珠, Android

< PREVIOUS

北韓都有BT? 下載Top Gear與AV

2014-08-20

NEXT >

日本女高中生《制服迷你裙最短地區排行榜》

2014-08-21

SOMETHING NEW

從邀請函嘅圖片嚟睇，今次發布會主角似乎係全新iPad及Apple Pencil，各位果迷請拭目以待！

tech

【科技】Apple宣布5月7日舉行發布會！新iPad及Apple Pencil即將登場？

24 Apr 2024

只要向AI聊天機械人輸入「日落」，對方就會展示一堆日落嘅Reels影片畀你睇。

tech

【科技】AI幫你搵貼文解答問題！Instagram正測試加入AI聊天機械人

16 Apr 2024

SOMETHING YOU LIKE

我知我知，好多人心入面依然覺得iPhone先係王道，尤其係iPhone 6改大咗個芒之後，應該會有批人由Android陣營轉去做ifanboy。但若然用慣咗Android機轉珠，點算？咪買多部Android機囉，大把人袋住兩部手機出街啦！唔想使費太大，留番啲錢畀課金，又唔想用小米的話，大可買大廠二線機，機價起碼比旗艦機平千幾兩千蚊，最近仲有以下4部新款揀，gentleman，睇睇你要咩條件，自己對號入座吧。
我要勁　HTC One E8 呢期晚晚都睇到香香公主賣HTC One E8廣告，不過部機男人用都得啫。雖然佢由旗艦級HTC One M8嘅金屬殼改成膠殼，冇咁man，但好在機面設計大致跟番M8，睇落唔「膠」。講到規格，其實佢都唔係差M8好多，起碼用番Full HD芒，又有相同嘅Qualcomm Snapdragon 801四核心CPU，兼夾有2GB RAM，玩轉珠呢啲平面game，夠用有凸啦！最大分別只係E8機背冇咗M8用嚟計算景深嘅Duo Camera設計，感光元件都唔係特別大嘅UltraPixel，只係普通嘅1,300萬像素，影相可能冇咁正。不過，單計鏡頭像素同其他spec.，E8仍然勁過晒其餘3部機。而且佢更支援五模十五頻，即係對應晒香港、大陸嘅3G同4G網絡，無論你用中聯通定中移動，都可以唔使換SIM咁中港兩邊走，無間斷用4G玩game。所以，閣下唔介意畀多少少錢的話（定價$3,998，街舖應該好快平幾嚿），佢會係最勁之選，同埋筆者個人幾鍾意佢個HTC Sense 6介面。 HTC One E8規格售價：$3,998 系統：Android with HTC Sense 屏幕：5" 1,920x1,080 處理器：Qualcomm Snapdragon 801四核心2.5GHz 記憶體：2GB RAM 制式：LTE、TD-SCDMA、HSPA+、GSM 儲存空間：內置16GB、microSD 鏡頭：1,300萬像素（後置）、500萬像素（前置）體積：146.4x70.7x9.9mm 重量：145g 查詢：HTC www.htc.com/hk-tc

我要大　Sony Xperia C3 若然閣下對手機同女人嘅標準係一致，總喜歡大一啲的話，即將推出嘅Sony Xperia C3就應該啱你心意，因為佢有5.5吋芒，係4部機當中最大嘅。正經啲講句，用大啲嘅芒轉珠，梗係睇得舒服啲，就算搭車不停捽，都冇咁易傷神啦！至於其他方面，佢部4G版定價$2,698，同HTC One E8相差$1,300，見到呢個價錢，就預咗佢嘅spec.唔係E8嘅級數。事實佢只有720p芒，兼且用次一級嘅Qualcomm Snapdragon 400四核心CPU，RAM亦只得1GB，但好彩玩轉珠始終對手機嘅需求唔高，只要用到4G download嘢就夠。同埋雖然佢個後置鏡頭冇Sony旗艦機Z2嘅2,070萬像素咁正，但係前置鏡頭竟然有500萬像素，再加有25mm咁wide，仲有埋補光燈添，自拍特別強，成日自拍po相上Facebook同Instagram嘅男士啱晒。 Sony Xperia C3規格售價：$2,698 系統：Android 4.4.2 屏幕：5.5" 1,280x720 處理器：Qualcomm Snapdragon 400四核心1.2GHz 記憶體：1GB RAM 制式：LTE、HSPA+、GSM 儲存空間：內置8GB、microSD 鏡頭：800萬像素（後置）、500萬像素（前置）體積：156.2x78.7x7.6mm 重量：149.7g 查詢：Sony www.sonymobile.com/hk

我要快　LG G3 Beat 呢度講嘅快唔係指CPU速度，而係對焦速度。事關LG G3 Beat就係旗艦正宗G3嘅中階版，G3最大賣點就係擁有鐳射自動對焦功能，即係好似鐳射測速槍咁，會透過機背嘅鐳射發射器射出laser，極速去計算鏡頭同拍攝主體嘅距離，從而加快對焦速度。雖然坊間有評論話G3 Beat嘅對焦速度，實質係慢過G3少少，但同其他二線機比依然會跑出。講番部機本身，規格同G3相差幾大，屏幕由4倍高清變到得番普通高清，CPU又降呢到同Sony C3一樣，RAM都係減到1GB，所以機價平過G3 $3,000有多。不過，近排口碑最好嘅旗艦機就係G3，就算G3 Beat整體性能弱一截，以佢嘅價錢，應該都會令人收貨，仲要佢個樣同G3倒模咁倒，只係個芒細咗0.5吋，拎出街用，人哋唔留心睇，仲會以為你用緊旗艦G3添。 LG G3 Beat規格售價：$2,598 系統：Android 4.4.2 屏幕：5" 1,280x720 處理器：Qualcomm Snapdragon 400四核心1.2GHz 記憶體：1GB RAM 制式：LTE、HSPA+、GSM 儲存空間：內置8GB、microSD 鏡頭：800萬像素（後置）、130萬像素（前置）體積：137.7x69.6x10.3mm 重量：134g 查詢：LG www.lg.com/hk

我要平　Asus Zenfone 5 LTE 唔好話係孤寒，男人都絕對可以精打細算，如果你真心想揀部最平嘅Android機嚟轉珠，Asus Zenfone 5 LTE就係你嘅新款best choice。佢剛剛先喺香港推出，一共分3個規格版本，不過就算係最高階嘅2GB RAM加16GM ROM版，定價都只係$1,699，街舖實會再平少少，同Sony、LG兩部機相差至少八、九百蚊。Okay，我知小米、中興、華為都有機平過佢，但總有人唔鍾意用國產機嘛，你懂的！ Zenfone 5 LTE無論CPU、芒同鏡頭規格都同Sony C3、LG G3 Beat差唔多，唯獨就係RAM有2GB，理論上會快少少，呢個都係賣點嚟嘅，始終就算你只愛嚟轉珠，都想部機行個介面行得順啲㗎。同埋唔好以為咁平就冇4G，佢一樣有，符合大家要求啦！ Asus Zenfone 5 LTE規格售價：$1,699 系統：Android 4.3 屏幕：5" 1,280x720 處理器：Qualcomm Snapdragon 400四核心1.2GHz 記憶體：2GB RAM 制式：LTE、HSPA+、GSM 儲存空間：內置16GB、microSD 鏡頭：800萬像素（後置）、200萬像素（前置）體積：148.2x72.8x10.3mm 重量：145g 查詢：Asus www.asus.com/hk

Android轉珠有乜好？唔怕長氣講多句，雖然iOS都有好多轉珠game玩，但唔少新game都係出喺Android平台先；仲要有啲係日本本土限定，Android機無論係直接下載安裝apk檔案，或者root機改定位位置，扮自己喺日本，上日本Play Store download都方便好多，而且Android又多啲自動轉珠之類嘅古靈精怪嘢，所以iPhone取代唔到，狂迷都係買多部Android機啦！