早前強國話要同巴西、秘魯搞連接大西洋同太平洋嘅高鐵，日前南華早報又有報道指，內地有大學正研究時速可高達5800km/h（你冇睇錯）的新型高速潛艇，假若研究成功，由上海至三藩巿只需100分鐘，咁搞法，真係他媽的世界真細小。

據報有關研究由哈爾濱工業大學負責，高速潛艇能夠喺水底咁快前行，因為採用了稱為超空洞（Supercavitating）效應技術，該技術利用超空洞效應製造帶氣體的泡沫膜，該個泡沫膜的體積大得足以包住加速物體的自身，令行駛時摩耗大減，從而達到極高速度。超空洞效應目前主要應用於自動推進武器，例如火箭、魚雷或導彈。

理論上，可以運用到車輛、飛機或潛艇 。

話說，冷戰年代的蘇聯（USSR）國防部曾經以類似技術，試作時速370km/h的魚雷（Shakaval），表現相當成功。

不過，這項研究目前仍有三大棘手難題 ，隨時令計劃得個吹字。

首次，要有一副超強動力系統（例如引擎），但現階段始乎還未有動力系統達到要求，而高速潛艇也不擅於轉向，因為在超空洞狀態下，加速物件與水實無接觸，亦難以採用傳統方向舵轉彎。其次，超強動力引擎可能需要攜帶大量能源，倘若在行駛中有任何閃失，艇上所有人一定冚包散晒而死。再者，大家都好關心，海底咁多通訊電纜或奇珍異獸，高速潛艇一經過，捲起水底及海床物件，嚴重破壞海洋生態就梗架嘞。

 講真，搞呢啲設計，應該唔係為咗瞬間看地球啩，大平洋仲邊有太平。