我估大家都有試過去google打自己個名，想睇下會搵到啲乜出嚟。咁有冇試過去google map搵呢？話唔定會好似呢班外國網友咁，得到驚人發現。

話說有人去google map search“niggar house”或者“nigga house”呢兩個帶有侮辱黑人嘅keyword時，顯示嘅位置竟然去咗白宮，事件玩到咁大結果令google即時作出道歉同埋更正，而google相信今次事件係有人用google map maker搞出嚟嘅惡作劇。原本Android公仔喺巴基斯坦，對住apple公司logo小便一事已經令google好頭痕，今次仲搞埋美國人最棹忌嘅種族主義，難怪google map maker要暫時收檔，直到5月27號先會再開。大家玩還玩，編輯地圖呢啲咁認真嘅工作就應該有啲分寸。

一波未平一波又起，今次事件仲有後續。有外國網友見google map咁多蝦碌嘢，於是就手痕輸入自己個名搵下啦，點知一搵就搵到自己被tag口咗去自己成日去嘅酒吧。然後佢朋友又跟住搵，結果地圖顯示佢曾經讀過嘅學校，感覺好似有條痴漢日日跟住你起底咁。其實呢啲都係google map比大家免費使用嘅代價，當然如果你鍾意周圍打卡，然後又唔好好保護自己私隱嘅話，真係好容易曝露自己嘅行蹤任人睇。所以大家使用任何程式或者服務之前，最好都係睇清楚私隱聲明，唔好乜都yes同ok，保護自己最緊要。大家不如依家就搵下，睇下會唔會顯示自己去過嘅地方啦。

呢個仲癲，佢話google map直頭顯示到佢依家身處嘅位置。