香港專利局最近就通過咗Apple提交嘅iPhone 6專利申請，Apple申請嘅4項專利當中包括機身嘅流線設計同埋內部電池佈局，而有關專利亦適用於iPhone 6 Plus，好明顯就係要打擊一眾山寨機。

現時大部份iPhone 山寨機都係大陸造，外形明目張膽抄到足，凸出鏡頭同機背「白帶」照抄不在話下，甚至連指紋辨識同解鎖l畫面都同iOS一樣，不過一開機就會發現係另一回事，仲搞笑到係行Android。不過呢類山寨機仍然有市，事關售價一般都係1000人仔左右，雖然計落同國產手機唔係太大分別，但外型就滿足到一班要充土豪嘅用家出手，所以喺大陸同南亞都非常好賣。

咪以為開機係iOS，佢地就連介面都抄埋，想分係咪山寨機最好睇埋系統。

除咗香港專利被通過之餘，Apple亦喺美國申請新嘅專利，據稱新專利係同機身金屬物料有關，有機會將iPhone 6機背嘅「白帶」醫好，同時令iPhone唔使再設置天線位。