PhoneBrella只係一把迷你遮，不過佢特別在於有個小吸盤，等大家可以將佢吸喺手機機背。本來PhoneBrella設計係用嚟擋太陽，等大家喺日光底下都可以睇得清楚，自拍時就唔怕反光。但有日本網站就發現佢原來擋雨都一樣掂，測試完仲話比起市面唔少防水配件更實際，所以就變成防水神器，真係日曬雨淋都唔驚。

除咗帶出街舛之外，PhoneBrella仲可以當手機架用，日本網上售價大約1814yen一把，話唔定會有水貨鋪入返嚟香港賣。其實講起Phonebrella，韓國都曾經出過一款，不過就唔係吸喺手機，而係將傳統遮柄改一改，等你可以成隻手穿過去，咁就可以有多隻手去玩手機。