PIECE嘅最主要功能就係可以透個藍牙將SIM卡功能加到iPad同iPod，令哋可以支援GSM/EGSM/DCS/PCS網絡，變成iPhone一樣，而且經過專用App就可以管理到另一張SIM卡。由於PIECE大小只係一張信用卡咁大，方便大家放入銀包或者衫袋，而當PIECE同iPod離開10米範圍，更會發出Beep Beep聲提醒大家唔好留低手機或銀包。

講完一堆功能好似好勁，但原來隔條河一早已經有類似產品。相信大家都聽過幾年前出嘅蘋果皮，早喺iPhone 3GS年代已經有，後來出咗幾代仲有埋叉電功能添，之後更加有大量山寨貨喺淘寶賣到成行成市。今次PIECE嘅功能真係同蘋果皮冇乜分別，係叫在夠細兼設計比較靚仔，但價錢就貴一大截。正價要成119加紙，大約係$700港元買個飛線機，真係比多$300就買到平價Android機當second phone。

另外要提提大家，就係apple都幾鍾意ban app，而PIECE喺唔使jailbreak情況下就令iPad可以講電話，咁iPhone仲有邊個買，apple未必會咁順攤比你上架。PIECE要等到10月先會出貨，就算大家想買都係睇定啲先比較好。

PIECE@kickstarter