- SITE MAP
- |
- CONTACT US
- |
- ADVERTISING
- |
- PRIVACY
- |
- MOBILE
- |
- RSS
用咗咁耐,M4/3機嘅1600萬像素感光元件終於捨得升級,輕輕升至2000萬像素。Panasonic近日發表嘅LUMIX GX8,就係首部用咗2000萬像素感光元件嘅M4/3相機,而且GX8更有埋最近嘅雙防震系統,實拍表現比起5軸更強。 當好多相機嘅像素都已經一早超過2000萬,就連手機都有2000萬像素時,M4/3竟然仲係得1600萬像素,結果一直都被人一種落後嘅錯覺。咁點解一直唔升級呢?其實M4/3陣營曾話過製造出更高像素嘅感光元件其實冇問題,不過考慮過高像素只會增加像素密度,從而令雜訊都會提升,反而仲會直接影響畫質,而且1600萬像素同2000萬像素畫質上冇明顯分別,所以就一直維持喺1600萬像素呢個「最佳位置」。不過近年感光元件嘅技術提升,加上Sony都有生產M4/3感光元件,所以令M4/3處理雜訊得到明顯改善,所以終於可以突破上限,推出更高像素,而且有傳未來推出嘅M4/3相機都會陸續改用2000萬像素感光元件添。 機身風格同上代差唔多,不過就加厚手把位,而且快門掣同轉盤都有改動。 繼續用返GX7嘅上揭EVF設計,不過就升級至236萬像素OLED。 3"扭芒仲支援篤芒對焦同快門,操作好易上手。 連拍由4fps升至8fps,而且更有4K連拍以30fps連拍相片。 所以個人認為2000萬像素只係相片解像度同尺寸高咗,對提升畫質冇乜大幫助,反而雙防震系統先係GX8最吸引人嘅地方,就連拍4K片時都一樣work。發布會當日就即場示範防震效果,更搵嚟一款五軸防震相機同GX8做比較,兩部機一齊放上一個不停搖嘅裝置,然後以同樣拍攝設定進行拍攝。結果發現GX8影嘅相真係清好多,就連酒樽上嘅細字都睇得清楚。 GX8防震測試示範 1 GX8防震測試示範 2 同場發表仲有prosumer機款FZ300,25-600mm焦距加上可拍4K片,不過售價待定。 Spec. $10,390 (淨機) |