唔少人都會問耳擴有咩好，唔係靚耳機更加重咩？其實大家咁諗係啱嘅，因為耳擴只係提升耳機咆嘅表現，如果大家預算同要求唔高，買耳機就夠。不過耳擴吸引嘅地方就好似黯然銷魂飯上面嘅洋蔥咁，能夠將耳機表現提升同另一層次，而今次介紹嘅AT-PHA100耳擴，內置ESS 9018K2M DAC能夠支援PCM 32bit/384kHz同埋DSD128高質音樂格式嘅解碼晶片，仲用咗專利技術令輸出聲音特別雄渾有力，中低音表現出色。

除咗靚聲好力之餘，AT-PHA100亦十分長氣，內置鋰電夠你聽足10個鐘，加上本身支援USB，就算冇電都可以好容易就搵到地方或者用後備電叉電。除此之外，AT-PHA100仲連埋兩條帶比你索實耳擴同手機，係算幾體貼。靚仔外型加上鋁金屬外殼有效阻隔外來振動，定價$3,580都算合理，如果有玩開耳擴不妨試試。

$3,580
Audio Technica‧2356 9268