吉田修平日前出席一個英國遊戲展嘅開發者問答環節時，表示現時好多人都用手機玩遊戲，因為手機遊戲簡單而且好多一開始都係唔使錢，「我都好希望大家可以繼續玩手提遊戲，但手機遊戲嘅優勢實在太大，而且唔健康。」佢甚至認為面對手機崛起，令佢哋推出PSV後繼機嘅計劃並唔樂觀。

截止2015年第一季，PSV全球賣出900萬部，反而3DS就賣到5000萬部，遠遠拋離PSV，3DS嘅成績加上手機遊戲嘅威脅，可能都係令吉田修平對手提遊戲機前景欠缺信心嘅原因，而事實上近年PSV嘅大作亦愈來愈少，只係不停炒冷飯，甚至將部份手機遊戲移植返去PSV，再係咁落去真係會令玩家繼續流失。我本身都係PSV機主，但已經好耐冇game好玩，係最近得《Helldiver》推出先有機會令PSV再見天日。