雖然縮咗水，但玩開嘅人應該都認得出MUO嘅design，其實係嚟自身價過百萬嘅Muon喇叭。由100萬變成唔使$3,000就玩到，又幾感覺良好喎。

模特兒身後嗰隻喇叭都係出自Ross Lovegrove手筆。

Muon之父Ross Lovegrove將Mous嘅設計概念帶到MUO，不論係線條同用色都充滿當代藝術風格，而且仲香檳金、暴風灰、光澤銀、海王藍同落日橙呢5隻顏色添，方便融入唔同風格嘅家居擺設。嚟緊仲會玩埋彩虹色，不過就未知幾時推出。MUO用咗全新開發嘅2吋迷你Uni-Q同軸共點單元，清晰度比同級speaker好，無限元素分析技術亦令聲音更有效傳送到唔同角落，加上音域廣闊，室內使用真係邊度到咁fit。

如果你有兩部MUO，就可以用「dual connect」一開二，將MUO變成立體聲模式添。MUO亦支援藍牙連接之餘亦可以用NFC一拍就connect，之任何手機同平皮都可以輕鬆連接播歌。美中不足係叉滿電要成3個鐘，續航力亦只得12個鐘。

除咗MUO之外，KEF亦推出同謝霆鋒合作嘅特別推出MUO同埋M500耳筒，兩件特別版都會印有紅色「鋒」字同佢簽名圖案，一見到個字型咁有性格，即時年輕得碰著誰亦能像威化般乾脆，唔通呢2套特別版就係第十三道鋒味？

KEF‧2877 1778