LiFi係由英國愛丁堡大學教授Harald Hass喺2008年發現，佢發現能利用VLC作為網絡，令大家可以用更高嘅速度無線上網。LiFi裝置可以裝喺LED燈入面，一開燈就可以提供上網功能。雖然熄燈之後就會斷線，但只要將燈膽或光管嘅光調暗到肉眼睇唔到，就一樣可以提供上網功能，不過LiFi就唔可以好似WiFi咁穿牆。

愛沙尼亞公司Velmenni早前喺牛津大學實驗室進行測試時，Li-Fi傳送速度達到224Gbps，即係1秒就可download到18套大約1.5GB高清片，而後來去到辦公室作實地測試嘅速度都有1GB，比起現有嘅WiFi快足100倍，而且頻寬更加係WiFi嘅1萬倍。LiFi嘅目的唔係要取代WiFi，而係希望可以為提供更快嘅無線上網方案，補完WiFi嘅不足，預計呢項技術會喺未來三至四年普及。