答案係三隻。

呢位化名為「Jasmine Tridevil」的美國女子，本身係一個身體健全(個腦建唔建全就唔知喇)、有一對正常乳房的女子。但佢自稱花費兩年時間儲咗USD$20,000 (約HKD$155,000)，尋遍美國加州超過50個整容醫生，終於比佢搵到一個醫生願意為佢做呢個違反醫生專業道德的手術－在兩個乳房中間植入第三個乳房。

為咗佢第三個乳房，Jasmine都不可謂不花心機。除了正常的植入手術，佢仲另外加多個小型的手術，以造出隆起嘅人造乳頭；佢甚至在人造乳頭旁邊紋上顏色以模仿乳暈。而由於佢有三個胸，她所著嘅內衣、比堅尼等都必須經由專人(即係佢自己)用兩個件正常比堅尼組合而成。佢嘅家人亦(好明顯地)反對佢做呢件ON9事。佢媽媽甚至禁止她的姊妹與Jasmine再有聯絡。

睇到呢到，你不禁會問，佢究竟為咩呢佢？

我初初仲好天真咁以為佢有個三隻手(或者兩條_)嘅男朋友，於是為咗佢嘅「一已私慾」而決定隆出第三個胸。雖然都係低B，但起碼我哋作為男人會欣賞佢呢份用心先呀！點知個原因原來係：

「我弄出第三個胸部，是為了令男人不再覺得我吸引。因為我已經唔想再同佢哋見面喇！」

老老豆豆，你要男人唔鍾意你其實好簡單，先唔好講你個樣本身都唔係話吸引得去邊，但如果真係要整，你可以切咗自己其中一邊乳房、鋸咗自己個鼻，又或者簡單啲直接削髮為尼呀！我諗點都簡單過你用十幾萬隆胸啩？

「我這樣做不是為了出名！」

講就咁講，但有外國報章就指她不單止在FB, Twitter和Instagram等多個社交平台活躍，而且請咗一隊攝製隊拍攝自己嘅日常生活，希望可以拍成一個真人騷喎！