男人老狗，如果你到依家都仲要扮唔識咩係「SOD (Soft On Demand」，我會對你好失望！作為日本AV發行界兩大巨頭之一的SOD，旗下二十多個不同廠商、擁有白石茉莉奈、古川伊織、麻生希和紗倉真菜等等知名女優、每年發行超過1000套AV，可想而知SOD嘅日常業務有幾咁繁忙、需要幾多人才幫忙打理！

適逢日本大學生求職期將至，SOD日前就登出咗招聘啟示，寫明不問年齡國藉，年薪仲有機會達到2000萬Yen (約130萬港元)，呢鋪係機會啦飛雲！

當然啦，人家係請正常業務人員唔係AV男優，所以工作範圍同一般Office工大致相近。SOD仲標明加入SOD嘅各種好處：包括以工作表現決定員工年薪，與年資、年齡脫勾；有機會參與SOD目前開發的新項目(如女性向廠商『GIRL'S CH』，和風俗界OpenRice 『Kaku-Butsu』等)、到海外公幹、而及參加一年12個月都有嘅公司活動等等(全部都係健康活動黎，唔好亂諗！)。而且只要有你料，三十歲都可以做到SOD社長，統領半壁AV江山！！！

而且仲寫到明朝10晚7，休禮物六、日，仲有勞工保險、退休金、飯錢支助、公司旅行等等等等，先唔好理佢係咪SOD，是但有間公司開得出呢啲咁嘅條件都夠哂吸引啦！

目前SOD需要的係一般管理人員、副導演及設計師等人才，最快4月入職，開始月薪為20萬Yen (約1.3萬港元)，用香港標準睇都算係合理。如果想報名就可以SOD網站(<-連結)填Form！