隨著地球先生身體愈來愈差，大家都漸漸提高環保意識，例如少用膠袋，自備購物袋，就係一個好開始。不過，要做的，其實我哋可以做得更多，就好似沖涼沖快啲，節省多啲水，都一樣可以幫到地球先生。

外國一名藝術家Elisabeth Buecher就基於慳水嘅理念，設計咗一款名為「Spiky」嘅浴簾。外表睇起嚟，就好似一堆藍藍綠綠嘅海草，冇咩特別，但當你開始沖涼之後，呢堆海草就會慢慢挺直，不停騷擾你。