好多單身男士可能都會對自己未來嘅婚後生活有唔少幻想，例如朝朝早都有老婆嘅愛心早餐、可以好Sweet咁日見夜見、溫馨咁攬住瞓覺等等……當中唔少得嘅幻想，緊係有性生活嘅份兒啦！究竟單身男士理想中嘅婚後性生活係點呢？日本網站R25就針對200位未婚嘅30歲上班族男性，作出問卷調查，睇吓大家對婚後性生活抱住點嘅理想，例如一星期要啪幾多日先覺得足夠呢？

好多日本夫妻都有分床瞓嘅傳統習慣，問卷調查中就有問到，究竟結婚之後想同老婆同床瞓定分床瞓呢？
結果超過半數單身男士希望可以同老婆同床瞓。雖然分床瞓可以瞓得自在啲，冇咁易被對方打擾，但始終結咗婚，當然會想一齊瞓，增進感情啦。