大有冇諗過，依家一天都係飛機、一街都係電腦，我哋秒秒鐘幾廿萬上落，但每逢落雨都一樣咁麻煩－用傘就遮得個頭黎顧唔到腳，著雨褸又麻煩又焗，兩個都唔係好方法。就算係之前介紹過7大傘皇都唔係萬全保護！

而呢把「Air Umbrella」可能就係一個新答案！佢其實就即係一個隨身攜帶的風扇，利用摩打製造出強風，形成一個空氣罩，把雨點吹走。雖然目前都仲係科研階段，好多問題如：大小，續行力等等都尚未完善，但理論上無論是擋風擋雨定擋胡椒噴霧都一樣掂，仲可以當風扇吹散啲催淚氣體添！

重點係將以下呢個顛覆擋雨方法的「Air Umbrella」放咗上Kickstarter集資嘅，係一班「來自南京的學生」。喂，Kickstarter呢啲外國網，收美金架喎！如果你個Idea係可行嘅，黨與國家一定會支持你架，做咩收受外國資金、勾結西方勢力呀！係咪顛覆國家？黎黎黎，過黎暗角傾下計先