「我沒有六尺高，我卻會待你好，我會接受你一切的改造～～～」呢句歌詞，基本上就總結咗文青喺年少時候嘗試接觸籃球嘅經歷。無論你幾咁努力，面對一個六尺高嘅高佬，佢只要舉高隻手你就搶唔到佢個波。從此我就明白，人嘅能力係有界限嘅，身高呢家嘢喺籃球場上就係硬傷；同時我都明白世界上最遙遠嘅距離唔係「我喺你面前而你唔知道我愛你」，而係我同六尺之間嗰啲啲差距(咳嗯…半尺到啫…)。簡單啲講，就係我認命。

不過世界界上總有啲人唔認命，而且仲不停挑戰自己。好似以下呢條片中嘅少年咁，雖然身高只有173cm (5尺8吋)，但仍然懷有一個入樽夢！於是用咗六個月努力訓練，終於由框都掂唔到，練到可以單手鋤樽！

頭幾個星期連框都掂唔到，去到第4星期先掂到框。

再練多一個月，已經有成隻手掌過框，於是開始用波練。

但用正常大小的籃球經常出現失誤，於是轉用BB波。

練熟手感之後，再用返正常波。但一開始都只係Tip入。

去到第25個星期，終於可以單手入樽！

全片：

講開入樽矮仔，目前效力金塊嘅利特羅賓遜(Nate Robinson)，以172嘅身高多次奪得入樽賽冠軍。而佢喺2006年的賽事當中，更加躍過身高只得1.7米，NBA史上最矮入樽賽冠軍兼羅賓遜嘅入樽賽教練韋比(Anthony Webb)，都算係一時佳話啦！