眼見香港樓價、租價一升再升，你決定把握機會上車做業主，從此過住一邊供樓一邊等女溝嘅神仙生活。咁啱你今日逗埋封開工利是，埋單結算今年逗咗570萬美元(又或者4400萬港紙)利是錢，你會選擇買邊到？九龍塘畢架山一號中層2000尺單位？大埔康樂園4房獨立屋？定係明明喺何文田但個名叫「半山」嘅「半山一號」呢？計我話通通都唔抵買，因為畀我，就會去法國買個古堡！

位於巴黎市郊30公里嘅Le Chateau de Vigny(唔好問我點讀)古堡，喺1507年由當時的樞機主教Georges d'Amboise(都係唔好問我點讀)所建。佔地37000平方尺，用上哥德復興式建築風格，外形特色是六座尖塔，加上真係有水嘅護城河，目前都只係以570萬美金(又或者4400萬港紙)放售，啱啱好就係你份利是錢，係咪好巧合呢！呢啲咪緣份囉！