掃把佬挑戰高難度「絕望之洞」直上直落

文：MenClub 魏文青　　圖：互聯網
POSTED ON 14 Apr 2015

雖然話揸住部四驅車喺荒山野嶺又越過高山又越過谷係一年好浪漫嘅事，但當你回到充滿橫街窄巷、最難行都只會係旺角啲死人停車場嘅香港，揸住架什麼「發現」、什麼「碌地者」，又好似有啲大材小用！而以下呢條片就更加係證明，你係唔需要啲咩高科技輔助，就可以征服呢個世界最難嘅行車障礙！

片中呢個窿，位於美國猶仙州摩押市(Moab)的峽谷地國家公園(Canyonlands National Park)之中，係一條著名嘅「極限四驅車路線」，每年都吸引大量遊行連到愛車黎挑戰，而其中一個難關就係呢個「Mickey's Hot Tub」。

每年有N個人試圖挑戰呢個有如浴缸一樣，基本上係直上直落嘅窿，但到最後絕大多數都係要搵人拖返出黎。我就唔知有冇人試過揸架最新「碌地者」去挑戰，我亦都相信如果有最新科技輔助，成件事會易好多、舒服好多、優雅好多。但就肯定唔夠片入面呢個男人揸住架「掃把佬」咁浪漫－－淨係佢為咗較返啱個位，捨得用個尾起勢隊埋堵牆到就夠哂浪漫啦下話！